在黃湛森成長的年代，粵語流行曲在電台音樂廣播節目中，只是眾聲之一，在一個百分之八十居民說粵語的地方，這是出奇的事。

粵語流行曲脫胎自粵樂，在華南社會，有承先啟後的優勢。但在整個五十年代，這些優勢沒能實現。黃湛森在前線體會是：粵語流行曲的革命，尚未成功。

那些年，粵語流行曲由選曲、填詞 、到演唱、伴奏、發行、推廣等，都不如對手。美國流行音樂品質高超，實力雄厚，是本土音樂人仰望的典範。國語時代曲二十年代在上海初生，經過多年發育，早上軌道。1952年後，百代唱片公司在港招攬了國語時代曲的原班人馬，由銅鑼灣設備齊全(但據說隔音欠佳)的錄音室開始，起步重生，成績立見。與此相比，粵語流行曲起步較遲，規模較小，製作較參差，產品有毛病，結果是間有陣風，但不成巨浪。

黃湛森的體會，不是人人認同。他們說，粵語流行曲有底子，有蠻力，可溫文，又鬼馬，最好的作品，依著傳統，向西洋肆意取材，孕育港式青春，影響遍及星馬。

粵語流行曲的身世，十分複雜，是一本待寫的書。

多多福 (節錄) (1959)

調寄：旱天雷
作詞：胡文森
主唱：何大儍

邊個話我肥
哈哈哈哈
請佢食雞脾
哦乜你話我肥咩肥咩
我鍾意係肥
肥人肥福份真正係唔怕肥膩
都樣樣都唔理架噃
只要食雞脾嘅啫
呢你大家試睇世間肥嘅人無幾吖
嗱時時大擦
天天睇戲
享慣食慣
食得瞓得做得捱得
又有心得你邊係嗰皮得架

嗱著得好似去做戲
綾羅綢皺樣樣都有
恨就恨懵你架
肥人還有艷福極多
有啲靚女佢將我吼
大家合心拍拖快樂無限滋吖味
陣陣大風
捩分好似焗呀焗張棉被呀
呢呢呢呢
盡歡樂　忘憂愁
共享樂　唔憂肥
大笑嘻嘻我包令你肥
哈哈哈哈

肥吖佬都多數夠運氣架
肥婆肥佬入雙出對
恨就恨懵你架喇
肥婆肥佬服裝夠派
架子夠威
美金夠多
胃口又好
箇中美妙無限滋吖味
就係遇啱中間失戀
亦都唔念記架喇
呢呢呢呢
盡歡樂　忘憂愁
共享樂　唔憂肥
大笑嘻嘻我包令你肥
哈哈哈哈