香港向來是傳統的粵劇重鎮，1949年之後，因為政治動盪，紅伶戲班更多以港為基地，粵劇粵曲人材，新老結合，陣容鼎盛。很快，香港轉型，粵曲粵樂跟著轉型，它走的路，跟新興的電聲媒體，息息相關。

首先，部份粵劇團隊藝人因為市場相對興旺，加上拍電影容易帶來收益，而表現因循，演藝停滯不前。

同樣條件，卻促使另一部份團隊藝人，借助電台和電影的技術和平台，鑽研粵劇演藝。他們刻意發掘新興電聲媒體的潛力，積極灌錄唱片和製作電影，並因應這些媒體的特性，創造新的表演美藝，延續自三十年代已經開始的粵劇現代化改革。

黃湛森自幼多聽粵曲、常看粵劇，在舞台、銀幕和大氣電波，透過紅線女、馬師曾、任白和唐滌生等人的傾情演出，親身體會粵劇現代化的細藝和感動。

梁祝恨史 (節錄) (1958)

撰曲：吳一嘯
編劇：李鐵
主唱：芳艷芬（飾祝英台）
　　　任劍輝（飾梁山伯）

梁（老鼠尾）：你知道未，知道未，與尊輩論事要盡其禮，你還要留餘地，你應偷悔故弄才智徒惹是和非

祝（唱）：偏見論題一見便縐眉，封建論題我反對未算奇

梁（唱）：孔夫子乃係聖人，聖人論句不相欺，師言亦要心中記

祝（花下句）：哦，然則你亦心存偏見，侮辱千古娥眉

梁（白）：英台英台

梁（四季歌）：先生說話偏偏地，你愛護女子議論神奇，你在課堂舌戰先生英勇又流利，妙語生花取了文壇勝字旗

梁（白）：賢弟都係你啱

祝（白）：梗係啦

祝（唱）：一雙結義真知己，要為女子撒盡藩蘺，弟性情在理必爭，取笑任得人地，傲過秋霜得你同情確係奇

梁（白）：同唔同情都好啦，我為你呀衫都鈎爛咗叻，你睇吓啦

祝（白）：你除出嚟，我同你補番佢啦

梁（白）：你同我補?

梁（平湖秋月）：奇奇奇，你一雙耳仔錐穿確係奇，拈針引線又咁叻添，更重奇，喂，你實際男定女請勿騙欺，雙耳錐窿我所以話奇

祝（唱）：說話何神秘態度何神秘，確係難知兄心理，拈針引線平常事，只需一見隨時學會點算係奇，錐耳係完全父母意，想我根基怪俗奇風不講理