市面恐慌遍地死傷

吳瑞卿旁白：
淪陷之後，很多香港人紛紛逃回中國大陸。杜煥的瞽師同行死的死，走的走，只剩下三幾個人。

杜煥講話：
咁就真正令人回味，當日之時，唉，真係無限傷心，見者傷心，講者哩今時都流淚。但願此後我哋各人永遠不見呢啲咁嘅事故現出，咁就祝賀各人，藉賴天恩。 呀！幾多悽慘方才捱到一九四四年，佢話停止配米噃，吓！又次再製造一回，咁呀，嗰回都冇咁慘，都略有些恐慌一個月度啦，咁市面暫定嘞。好嘞！人心直過，咁我賣唱又都好彩噃，好彩在邊度哩？因為個個都趯清光嘞。吓！我哋行家死有死，趯有趯，真係趯剩三幾個嘅啫。係嘞！係我一個人在此就無趯到，因為一式化嗰陣時呀，最慘呀嗰年，燈火限制呀，人哋唔損傷我損傷，喺啦，點損傷法哩？淒涼囉！