嬰兒難養易夭折

吳瑞卿旁白：
杜煥曾經生過四個兒女，不全部都幼年夭折，養得最大的一個也只養到五歲就死去。 杜煥憶述舊時嬰兒夭折率高，廣華醫院每天都有死嬰。

杜煥講話：
嗰時好多嘢嘅，又話急驚風，好惡養嘅。嗰陣養細路講話咁容易呀？廣華醫院朝朝嗰張床真係二三十個掉喺處嘅，好似家吓咁呀？ 所以話舊時啲嬰兒唔係易養嘅，家陣就話易養嘅之噃。舊時嬰兒好惡養嘅，我哋父母九胎至有四個。好似家下咩，家下啲細路出世有九成幾。輪到我哋做父母嘅時候都好化學之嘛！戰前嗰啲嬰兒都好難養嘅。話名叫做養過四胎嚟嘅。