伙記幫忙街坊關照

吳瑞卿旁白：
舊時九龍油麻地和旺角，有八音館，有妓寨，有煙館，有草根階層和失明人租住的唐樓。 草根階層有他們生活網絡，互相幫助。

杜煥講話：
我不嬲住旺角。 （榮：咁佢地點嚟叫你呀？） 叫呀！哦！有好多地方叫我嘅！戰前，即係未打仗之前，喺北海街有檔煙仔枱，嗰檔煙仔枱喺橫門嚟，喺北海街，喺越南街口！嗰處我晚晚喺度傾偈，嗰個更仔，正所謂睇住我喺處傾偈，喺度傾幾個鐘頭。 （榮：咁佢哋要你，就走嚟煙檔叫你去。） 喺煙仔枱叫，伙記好好！伙記踩單車叫我出去，如果早就！夜就唔係，夜就同我記低，如果十點鐘之前，佢梗使個伙記踩架單車入去叫我嘅。