曲詞：
哩，偶然嗰晚夜我在家裡頭，正係黃昏後呀，舊時初更後咋，我哋各人正在囉，正在家內係話講西遊。忽然有幾個拍門來到門口呀，嗰時問過見吾休，原來就係香港節呀，港節嘅時候，要我前去大會堂裡頭，就係《灰闌記》演戲時候呀，叫我在台前唱一周，便將戲裏邊嘅情由先唱夠，唱完之後演戲跟住嘅後頭。嗰時就接了呢一台年宵奏，七本時戲過了一週。俗話嘅有言台腳做完咁就賺一嚿呀，嗰時生活係幾優悠。