旁白：
杜煥街頭賣唱，傑出的曲藝被學界和文化界所注意。七十年代好幾次杜煥被邀請在大學和文化殿堂表演。 例如1973年「香港節」大會堂劇院上演話劇「灰闌記」，杜煥負責每幕演出前在台前用南音唱出劇情，共上演了七天。 1974年，市政局在大會堂舉辦了一場「民間傳說與歷史故事」的南音演唱會，由杜煥主唱，何臣拍和。

曲詞：
哩，偶然嗰晚夜我在家裡頭，正係黃昏後呀，舊時初更後咋，我哋各人正在囉，正在家內係話講西遊。忽然有幾個拍門來到門口呀，嗰時問過見吾休，原來就係香港節呀，港節嘅時候，要我前去大會堂裡頭，就係《灰闌記》演戲時候呀，叫我在台前唱一周，便將戲裏邊嘅情由先唱夠，唱完之後演戲跟住嘅後頭。嗰時就接了呢一台年宵奏，七本時戲過了一週。俗話嘅有言台腳做完咁就賺一嚿呀，嗰時生活係幾優悠。