曲詞：
（說）幸得一九七三年之時，咁呀得呢位呀，唉！我家下執筆忘字，又唔記得呢位貴姓嘅人。呢個人好慷慨嘅，好四海嘅，好肯為人嘅，咁呀見我咁艱難，孤身一個，咁佢又居然同我寫一張申請格，嚟同我請咩哩？請一份公共援助。吓！嗰陣時，變咗色舞眉飛喇，無端端得多百零銀，咁就變咗唔使咁辛苦，所以由此過日都極之安康竟然，亦都感謝各人維持，亦都自己命裡一生之時，真係酸甜苦辣樣樣都捱到。唏！唔記得咁多。（唱）唉！今此後咋，雖屬生活就無憂，援助雖然唔夠啫，咁我耐耐哩就去賣唱街頭。生活亦可維持夠，幸得我本人無疾病呀，係確無憂……