旁白：
1941年12月25日，港督楊慕琦宣佈向日軍投降，香港淪陷。淪陷之初，到處仍有搶掠，杜煥無法賣唱，更苦家無米糧。幸好有朋友和街坊仗義照顧，搶得米糧的朋友分給他一點，熬過一個多月。 1942年初，市面總算稍穩，偶然會有熟客聽他唱曲。 誰知到了正月十五日，久病的妻子去世了。 杜煥家空物淨，幾年間兒子、母親和妻子先後逝去，剩下孤身一人，倍感淒苦。

曲詞：
唉！所謂想來自思唔好嘅命囉，真係連氣三年，年年都損兵。三九年不幸係兒喪呀命呀，時交已到一九四零，娘親春季經喪命呀，一九四一年是嘅新正，佢就衰久嘅病咋，一到十五花燈竟嗰日喪幽靈。唉！嗰陣哩單單我獨己來在家境呀，一切係家務盡見清。賣乾賣淨咁就無，真至無物剩呀，幾多貧苦捱得成。