旁白：
1930年，余氏生了第一個兒子，誰知三個月大夭折了。翌年第二兒出生，不到兩個月大又死了。相隔四年，又生了一個女兒，四個月大也死了。1935年，妻子再誕男孩，兩人歡喜之極。這兒子活潑長大，想不到五歲那年染了「鎖喉症」，突然去世。此後一生杜煥也再沒有兒女。

曲詞：
想來養兒嘅育女真係萬種艱難。一個係不成，兩個就又都難逃嘅限呀，第三個養來但願生，誰知四個估話心方嘆呀。唉！五歲嗰年又試命催殘。想吓！想吓前時養育係嬰兒非常艱患呀，令人每想甚難艱，栽培養育係非輕易呀，佢話養大喎一個孩兒，慘過過萬重山，三朝七日都會有災難呀，任得你養到非常趣緻會趯會行。總係一時染著一病患呀，措手不及在時間。嗰陣係醫學未有咁昌明，非輕容易除他患呀，故此人人知道嬰兒育係難。