旁白：
1926年4月，四人到了香港，落腳當年稱為新填地的旺角，租住盲公屋。從此杜煥每天到街上賣唱；在廣州跟孫師學藝三年多，這時他已能唱南音。盲公屋的屋主亦是一位瞽師，叫做盲雞，不久他託另一位盲人帶同杜煥到妓寨賣唱。從此杜煥開始了在旺角油麻地一帶娼寮的賣唱生涯。

曲詞：
（說）初時到呀，係旺角，所以始終到家陣都係在旺角。初時在旺角哩就係新填地。係哩，後即變幻多時，遷居多處，唉真係呀想起上嚟，為人嘅勞碌呀，一好一醜，冥冥之中定然主宰。（唱）所以得到港呀，暫且安身，住埋成疊樓哩都係我哋嘅盲人，計起上來真係成冧人。日日如是日間動身，夜間無事只得係安寢呀，日中前去樓上逐主去唱歌文。