板眼《兩老契嗌交》（又名《爛大鼓》）選段2：杜煥演唱

《兩老契嗌交》的主角爛大鼓是花天酒地而牀頭金盡的二世祖，杜煥用第一身講唱，又一人扮演伙頭大叔、艇嫂、瑞彩、師爺、再加鄰船唱“嘆息”的歌姬。他用千變萬化的音高、音色、音量、字眼、語法、節奏、速度、旋律、以至方言、鄉音等來表現不同人物的性格、背景、職業和情緒等，維肖維妙，完成一齣小小的悲喜劇。伴奏是大板胡，它也是唱者用以製造特別聲效的萬能器。

曲詞：
「哩，因為我近日發狠學人開間係鴉片館…」 「哎喲好生意呀呵！」 「好！…」 「開間鴉片館，皆因所以就賒少，賒少財銀。 我想趁此係矮平上多幾碼，特意開來把老契你…來啦來啦哪 …你借住十両銀。借得你耐就唔好意思，至遲三兩日我就還銀，就還銀。」 「哎喲我啋，啋，啋！ 對，對，對，對，對！哎喲難為你話借，借得咁心傷。擘大個口我就睇到你條腸。」「你有义光鏡咩！」 「你估，哎喲，我當真來跟你上岸呀？」 「咁唔係嘅咩？」 「氹你啫噃！ 真係囉喎！ 啋！ 估話當真跟你上岸！哎喲！跪倒戲（餵）豬就睇錢份上，冇錢開來鬼認你做老相咩！哎喲，你唔知咩？我地老舉心腸鐵咁樣。有錢開來係我情郎 ……」