傷殘津貼聊幫補窮人

吳瑞卿旁白：
1973年以後，隨著社會經濟發展，香港開始有老人和傷殘津貼。金額雖然少，但對窮困階層，也算有一些幫助。

杜煥講話：
好彩，好彩家下有番呢百零銀幫補。哩，啲傷殘津貼哩！有百幾嘛，政府津貼殘癈嗰啲呀！有百零呀。我哋幾十年喺處都冇，咁又點唧？ （榮：幾時開始有？）舊年啦！ （點解忽然間有津貼嘅？）嘿，呢啲唔知佢啲議員嘞，即係話嗰啲老人金，七十五歲領嗰啲哩！咁我又未夠，有啲傷殘津貼，幾好呀！傷殘份子有百幾，百零銀都好嘅。係唔係都有幾蚊打吓底先呀。 我哋啲正所謂成日講茶，如果好似人哋咁喺屋企煲飯食就夠嘅。買一斤米呀，食唔哂呀嘛，一斤又點食得哂呀？買啲鹹魚仔咁蒸，點唔夠食呀？夠！不過你啲又話買煙啦，又講飲茶哩，又講去街哩，多事嘅啫咁就。