日四五十勉強維生

吳瑞卿旁白：
1970年香港電台取消南音節目後，杜煥只能在旺角街頭唱曲，在先施公司門前最多。一個月中或者有五六次有人找他上門去唱。生活非常勉強。

杜煥講話：
（榮：淨係靠一個月五次六次幫啲住家唱，咁夠唔夠錢過活？） 咁呀都可以嘅，你估要番去買田咩！如果唔夠嘅咪勤力啲囉，唔夠咪去先施公司地方，去多兩晚囉！ （而家咁你去先施公司一晚可以搵到幾多錢？唱都唔會唱好耐啦？） 話唔埋架！好似話個零鐘頭啦，有時就睇嚟湊啦，有時撞著啲知音人呀，十蚊呀廿蚊呀都有。普通嚟計五六十都有嘅。普通計得噃，唔好計一晚晚噃。有時一晚十零蚊，廿零蚊都有之喎。即係普通嚟計，拉勻計，都係四十零五十蚊度啦。