七十年代中斷南音

吳瑞卿旁白：
杜煥在香港電台唱了15年，一星期三次。可見南音是受聽眾歡迎的曲藝節目。 他一直唱到1970年底，這時候歌曲風尚改變了，電台取消南音節目，改為播中、西流行曲為主。

杜煥講話：
直情70年，哩，玩口味喎！歇吓先喎，梗係咁推嘅啦，戇居！唔通話唔愛嘞咁咩，梗嘅啦！好聽啲嘛！我套《再生緣》都夾猛埋嘅，如果係要正式嚟做嘅，仲要做多一年至得，至做得埋。咁預早一個月通知叫早啲埋咗佢咯，咁就埋咗佢。 （嗰時你一個禮拜三次，一、三、五呀？）一、三、五囉。 （榮：幾點到幾點呀？）啲時間變更好多。嗱！有時年年變都有嘅。最長遠就好似三點至四點。我都唔記得真啦！ （一次有半個鐘頭？）亠次半個啫嘛！ （半個鐘頭有45蚊都幾好喎！）唔係話佢唔好，我冇話佢唔好！