紅磡煙館仗義留人

吳瑞卿旁白：
香港1931年立法禁煙，但實則到50年代仍然有不少非法鴉片烟館。 1955年杜煥去了幾個月澳門之後回到香港，無處棲身，就曾經在紅磡一間烟館住了一段時期。

杜煥講話：
裡邊紅磡嘅煙館，有個老細，聽見我返咗過嚟，就使啲人叫我入去見佢嘛！見到佢。 「點呀？有冇地方住呀？」 「鬼咩，邊處住呀？」 「梗係啦！香港哋不摟係咁嘅嘛，留食不留宿。咁啦，你唔嫌嘅，你就走上呢處踎啦！你又咁多人，所有客你都識得嘅。自然煙就唔使逗，飯呢？喺度，有錢就俾錢買米，冇錢你就叫佢喺櫃桶攞，出佢嘅數，出老細嘅數。冇老友嚟嘅都 …. 我嚟嗰陣時。」 好呀！所以話我一生人，真係最好呢啲，呢啲咁嘅難得。靠啲乜嘢喎？你又盲嘅，又唔係靠你打，又唔係靠你講，又唔係靠你人面，又唔係靠你幫手。靠乜嘢呀？ 喺處住，就住到呢個 1955年7月20，就入港台嘞。