煙館公然中環私娼

吳瑞卿旁白：
1935年香港廢娼，但廢娼之後私娼林立，近似公開，是甚麼原因？

杜煥講話：
1926年我哋到香港，1935年至禁娼。 廢娼之前唔係，廢娼之後先至係之嘛！嗰時廢娼之後 35，36年，37嗰幾年，上海街同埋越南街有好多嗰啲咁嘅竇嘛！嗰啲紅煙館啲女招待都唔知幾多，好似開雞竇咁。 私就反為明，即係等於公開。政府就冇規矩，根本就唔係私嘅，不過就大開水喉，唔理咁解之嘛！ 唔係呀，嗰時四周圍都係煙館。政府係冇呀，政府唔許可架，警察唔理就冇事啦！ 香港地係咁嘅啦，明即是暗，暗即是明。即係好似中環嗰啲私鬼雞竇咁，真係好似老舉寨咁嘅噃！放鈔呀，放溪錢呀，掉到隨街係嘅噃，即係舊時明寨一樣嘅規矩，係嘛？擺開門戶嘅噃。實在係暗呀？明係雞竇私娼，不過變成咁哩。